2 маусым күні Астана қаласында Гонконг мемлекетінің арнайы әкімшілік ауданының басшысы Джон Ли Ка-чю жетекшілік еткен жоғары деңгейлі делегацияның қатысуымен меморандум өтті. Іс-шараға Алматы халықаралық әуежайының президенті Гокер Көсе, Cathay Pacific әуе компаниясының тұтынушыларға қызмет көрсету және коммерциялық бағыт жөніндегі директоры Лавиния Лау, сондай-ақ Алматы қаласы Туризм басқармасы басшысының орынбасары Ақмарал Ешанова қатысты.
Іс-шара барысында Алматы – Гонконг бағыты бойынша әуе қатынасын іске қосу мәселесі қарастырылып, кездесу қорытындысы бойынша тараптар меморандумға қол қойды. Cathay Pacific әуе компаниясының мәліметіне сәйкес, тікелей рейстерді іске қосу 2027 жылдың бірінші тоқсанында жоспарланып отыр. Рейстер аптасына үш рет Airbus A330-300 кеңфюзеляжды әуе кемелерімен орындалады.
Жобаны жүзеге асыру әуежайдың халықаралық бағыттар желісін дамытудағы және Орталық Азия мен Азия-Тынық мұхиты өңірі арасындағы көлік байланыстарын нығайтудағы маңызды қадам болмақ.
Жаңа бағыттың ашылуы Қазақстан, Орталық Азия және Азияның жетекші қаржы әрі көлік орталықтарының бірі — Гонконг арасындағы авиациялық, сауда және туристік байланыстарды кеңейтуге ықпал етеді. Сонымен қатар, бұл бағыт іскерлік белсенділікті, туризмді, жүк тасымалын және инвестициялық ынтымақтастықты дамытуға қосымша мүмкіндіктер сыйласын. Алматы халықаралық әуежайы жаңа әуе тасымалдаушыларды тарту және ұшу бағыттарының географиясын кеңейту жұмыстарын жалғастырып, Алматының Орталық Азиядағы ең ірі авиациялық хаб ретіндегі мәртебесін нығайтуда.
