КАНАДАЛЫҚ АКТЕРДІ НЕ ҚЫЗЫҚТЫРДЫ?

Жалғыз Мадс Миккельсен ғана емес, Астанадағы Comic Con фестивалінің қонағы болған канадалық әйгілі актер Перси Хайнс Уайт алдағы қыркүйек айында елордада өтетін 5-ші Дүниежүзілік көшпенділер ойындары туралы пікір білдіріпті. Актерден журналистер қыркүйекте Астанада өтетін Дүниежүзілік көшпенділер ойындары туралы естіген-естімегенін және ауқымды іс-шараға баруға қаншалықты кеңес беретінін сұрапты. Сонда ол: «Иә, мен бұл туралы естідім. Менің ойымша, шабандоздардың жарыстарын америкалықтар жақсы көреді. Неліктен мұндай нәрсе Америкада жоқ екенін білмеймін. Сіздерде құстармен аң аулау сияқты көптеген қызықты көшпенділер ойындары және мен әлі біле бермейтін көптеген басқа да ойындар бар екен. Иә, әрине, мен Дүниежүзілік көшпенділер ойындарына міндетті түрде келемін», – деп жауап беріпті Перси Хайнс Уайт. Перси Хайнс Уайт – «Рождественские страшилки» және «Удалённая местность» фильмдері мен «Между», «Одарённые» және «Уэнздей» сынды сериалдарындағы рөлдерімен әлемге танылған канадалық актер.