1 наурыз күні Роза Бағланова атындағы «Қазақконцерт» мемлекеттік академиялық концерттік ұйымында ҚР Мәдениет және ақпарат министрлігінің қолдауымен «Гүлдер» ансамблінің 55 жылдық мерейтойына орай ерекше гала-концерт өтеді.
Концерт бағдарламасында көрермендерге арнайы дайындалған аспаптық-хореографиялық қойылымдар мен жаңа хореографиялық композицияның тұсаукесері ұсынылады. Сонымен қатар, сахнада авторлық әндер, танымал әртістермен дуэттер және классикалық өнердің заманауи интерпретациялары орындалады.
Мерекелік кешке қазақ эстрадасының танымал жұлдыздары, «Астана сазы» қазақ мемлекеттік фольклорлық ансамблі, «Astana musical» мемлекеттік театры, «TURAN» этно-фольклорлық ансамблі, «Самға» тобы және, әрине, мерейтой иесі – «Гүлдер» ансамблі қатысады.
Бұл кеш қазақ өнерінің бай мұрасын дәріптеп, заманауи сахнада ұлттық өнердің ерекше өрнегін көрсететін маңызды мәдени оқиға болмақ.
Саяжан ҚАЙДАР
