Жамбыл аудандық “Жастар ресурстық орталығының” жаңа жобаларымен таныстым.
Жамбыл аудандық “Жастар ресурстық орталығы” екі жыл қатарынан жыл қорытындысы бойынша атқарып жатқан жұмыстары нәтижесімен үздік орталық номинациясын иеленіп келеді.
Биыл Орталық алған номинация үдесінен шығу мақсатында одан әрі жұмысты жандандырып, жеке теңгеріміндегі ғимаратта бірқатар жобаларды бастапты.
Осы мақсатта, жастардың игілігі үшін «bon_decor_resinart» кәсіпкерлігімен бірлесе басталған қол өнер орталығы әлеуметтік жобасымен таныстым. Resinart техникасымен жасалатын бұйымдардың мастер кластарын тыңдап, гипстан, сабыннан жасалатын бұйымдардың куәсі болдым.
Сонымен қатар, демеушілердің қолдауымен жастар орталығындағы ұжымның өз қолымен жасалған фотостудия, ауылдық округтерде ерекше кәсіп бастап шаруасын дөңгелетіп отырған жастарды дәріптеу мақсатында әлеуметтік желіде насихатталатын «Ауыл Bay» жобасымен, жас отбасыларға арналған «Love Story» айдарымен және ұлттық спортты дәріптеу мақсатындағы ашылған «Дәстүрлі садақ ату» жобасының жұмысымен таныстым.
Бастау алған жұмыстар Жамбыл ауданының жастары үшін берері мол тың жобалардан болуына тілектеспін!
