Биыл Сарысу ауданына 95 жыл. Осы мерейлі мерейтойды 29 қыркүйек күні атап өту жоспарлануда.«Бірлік бар жерде – тірлік бар» – деген дана халқымыз. Аудандағы этно-мәдени орталықтардың өкілдері аудан өміріне, аудандағы қоғамдық-мәдени шараларға белсене араласып, берекелі тірліктің үлгісін көрсетіп келе жатыр.
Бүгін этно-мәдени орталық жетекшілері бас қосып, мерейтойда этностар өткізетін іс-шаралардың дайындық жұмыстарын пысықтады.
Жалпы, ауданда қазақ, славян, неміс, күрді, қырғыз, өзбек және кәріс этно – мәдени орталықтары жұмыс істейді.
