Бүгін аудан әкімдігінің мәжіліс залында аудан әкімінің міндетін атқарушы Сәкен Мамытовтың төрағалығымен аудандық аппараттық кеңес өтті.
Аппараттық кеңестің күн тәртібінде бірінші «Абаттандыру, сенбілік жұмыстары және жасыл белдеу туралы» мәселе қаралды. Аталған мәселеге байланысты аудан әкімдігінің тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі басшысының орынбасары Еркебұлан Базарбаев баяндама жасады.
Күн тәртібіндегі екінші мәселе «Көктемгі мерзімді әскери қызметке шақыру науқанының өту барысы» туралы аудан әкімінің орынбасары Еркебұлан Есмаханов баяндады.
Сонымен қатар, күн тәртібінде қаралған үшінші мәселе «WEBDOCSYSTEM» ақпараттық жүйесін енгізу жұмыстарының барысы туралы» баяндамашы аудан әкімі аппаратының кеңсе бөлімшесінің басшысы Алима Дәуренбекқызы атқарылған жұмыстардың барысына тоқталды.
Күн тәртібіндегі мәселелер толық қаралып, тиісті тапсырмалар берілді.
