21 қаңтарда Ұлытау облысы Әділет департамент басшысының орынбасары «Заң және тәртіп» қағидаттарын ілгерілету мақсатында халықтың құқықтық сауаттылығын арттыру, сондай-ақ азаматтарға көмек көрсету және құқық кабинет қызметін жандандыру мақсатында Полиция басқармасының қызметкерлерімен, жеке нотариустармен, адвокаттармен және жеке сот орындаушыларымен бірлесіп, Жезді кенті әкімдігің ғимаратында халықпен кездесу өткізді.
Кездесу барысында «Құқықтық кабинет» жұмысымен танысып, «Әділет», «Заң» құқықтық дерекқорларына, сондай-ақ мемлекеттік қызметтер порталдарына қолжетімділікті тексерді. Сонымен қатар, интернет-алаяқтық, сот актілеріне заңда белгіленген тәртіппен шағымдану мүмкіндіктері, сот жүйесіне деген сенімділікті арттыру және оның тәуелсіздігі қағидаттарын түсіндіру жұмыстары жүргізілді. Кездесу соңында азаматтардың жеке қабылдау өткізілді.
