Усольцев пен Хамитов 14-і және 16-ы орында қалды

     Қытай астанасы Бейжің қаласында 2022 жылғы XIII қысқы Паралимпиада ойындарында пара биатлоннан отырып сырғанауда 2 спортшы ел намысын қорғады.  Спортшылар парабиатлоннан 10 шақырымға отырып сырғанауда жарыс жолына шықты. Ел құрамасынан аталған сайысқа Сергей Усольцев пен Ербол Хамитов жарыс жолына шықты. Бәсеке барысында алтын медальды қытайлық Лю Мэнтао еншіледі. Одан кейінгі орындарды германиялық Мартин Фляйг пен украиналық Тарас Рад өзара бөлісті. Ал қазақстандық Сергей Усольцев мәре сызығын 14-і болып қиды. Ол жарыс жеңімпазынан +5:15.4 көрсеткішімен қалып қойды. Ал Ербол Хамитов 16- ы орынды місе тұтты. Ербол алтын медаль иесінен +5:12.1 уақытқа кеш келді.