Сіздерді жас оқырмандарын өз нәрімен сусындатып келе жатқан «Мөлдір бұлақ» журналының 20 жылдық мерейтойымен шын жүректен құттықтаймын!
Осыдан 20 жыл бұрын тұсауы кесіліп, «Qazaqstan dauiri» (бұрынғы «Қазақстан- ZAMAN») газетінің аясында өмірге келген басылым өз оқырмандарының ыстық ықыласына бөленіп, жүрегінен ойып тұрып орын алды. Осы кезең ішінде жас зиялыларға арналған жүзден аса айдар мен тұрақты мінберлері бар «Мөлдір бұлақ» журналы жас жеткіншектерді тың деректерімен қатар пайдалы ақпараттарымен қуантып келеді. Ұлттың келешегіне қызмет етіп, ұрпақ тәрбиесін ұлықтаған басылымның арқасында балалар білім нәрімен сусыңдап, таным мен тағылым өрістерін кеңейтті.
Құрметті журнал ұжымы!
Сіздерді мерейлі мерейтоймен тағы да құттықтай отырып, дендеріңізге саулық, отбасылық бақыт, шалқар шабыт, шығармашылық табыс тілеймін. Еліміздің өркендеуі жолындағы еңбектеріңіз абыройлы да берекелі болсын!
«Мөлдір бұлақ» журналының мерейлі мерекесі құтты болсын!
