Спорттық гимнастикадан Қазақстан құрамасының өкілдері Нариман Құрбанов пен Нұртан Ыдырысов Нидерландтың Роттердам қаласында өтіп жатқан әлем чемпионатының финалына жолдама алды. Отандасымыз төрешілердің шешімімен 14,866 ұпай еншілеп, екінші орынға ие болды. Одан жоғары нәтиже көрсеткен Армения өкілі Гамлет Манукян 14,933 ұпаймен бірінші орын алды. Ал Нұртан Ыдырысов жекелей көпсайыстың финалына шықты. Ол алты снарядтағы жаттығулардың қорытындысы бойынша 79,665 ұпай жинап, іріктеу кезеңін 17-орынмен аяқтады.












