АУЫЛДЫҚ ОКРУГ ӘКІМДЕРІ ЖЕЛТОҚСАНШЫЛАРМЕН КЕЗДЕСТІ .
Ұлт намысының алдаспаны болған Желтоқсан көтерілісі халқымыздың жадында мәңгі сақталады. Ел егемендігінің бастауында тұрған осы оқиғаның құрбандары ел есінде болса, қатысушылары арамызда жүр. Сондықтан, сарысулықтар да жыл сайын батырларын еске алып, боздақтардың рухына тағзым етеді.
Желтоқсан көтерілісі бүкіл өзгерістердің бастауы болды. Қазақ жастарының ерлігі - мәңгілік. Ол қазақ халқының рухы өлмегендігін көрсетті. Осы ерлік Қазақстан Республикасының өмірге келуіне, оның Тәуелсіздігіне сеп болды.
Азаттықты ту еткен қазақ халқының сан ғасырлық тарихындағы игі мұраты - Тәуелсіз ел атану болды.
1986 жылғы Алматы алаңындағы Желтоқсан оқиғасы өшпес рухты дәлелдеп, Тәуелсіздікке жол ашты.
