Украина-Ресей келіссөздері Түркияда өтеді

   Украина мен Ресей Түркияда үш күндік келіссөздер раундын өткізуге келісті. Ол 28-30 наурызда өтеді. Бұл туралы өзінің Facebook-парақшасында делегацияның мүшесі, Украина Жоғарғы Радасындағы «Слуга народа» фракциясының жетекшісі Давид Арахамия: «Шешім 27 наурызда қабылданды. Видео түрінде өткен кезекті келіссөздер кезінде келесі раундты бетпе-бет 28-30 наурызда Түркияда өткізу туралы шешім қабылдадық», – деп жазды. Ресей Федерациясынан келген келіссөздер тобының жетекшісі Владимир Мединский жаңа раунд 29-30 наурызда өтетінін растады. 14 наурызда Украина мен Ресей делегациялары арасындағы келіссөздердің төртінші раунды өткенін естеріңізге саламыз.