Финляндия құрамасының хоккейшілері өз елінде өткен әлем чемпионатының жеңімпазы атанды. Финндер Тампере қаласында өткен ақтық финалда Канада құрамасын овертаймда 4:3 есебімен жеңді. Осылайша, Финляндия құрамасы тарихында төртінші рет әлем чемпионатының алтын жүлдесін иеленіп отыр.
Осы жолғы әлемдік додада ел намысын қорғаған Қазақстан құрамасы өз тобындағы барлық дерлік командаларға есе жібергенмен, жоғары топта қалуға мүмкіндік беретін ең басты кездесуде Италия құрамасын жеңіп, келесі жылы да элита тобында ойнайтын болды.
