Қазақстанға ресми сапармен ҚХР төрағасы Си Цзиньпин келді. Қасым-Жомарт Тоқаев мәртебелі қонақты елорда әуежайында қарсы алды. Елімізге мемлекеттік сапармен келген Қытай Халық Республикасының Төрағасы Си Цзиньпиннің құрметіне әуежайда құрмет қарауылы сап түзеп тұрды. Рәсім аяқталғаннан кейін кортеж Ақорда сарайына бағыт алды. Онда Қазақстан мен ҚХР көшбасшылары қазақ-қытай стратегиялық серіктестігін жан-жақты нығайту перспективаларын талқылайды. Келіссөз қорытындысы бойынша бірқатар екіжақты құжатқа қол қою жоспарланып отыр. Еске сала кетейік, бұған дейін Сыртқы істер министрлігі Қытай басшысының елімізге келуі оның пандемиядан кейінгі шетелге жасаған алғашқы мемлекеттік сапары екенін мәлімдеген болатын.
Мемлекет басшысы Қазақстан Республикасы мен Қытай Халық Республикасы арасындағы екіжақты саяси, экономикалық және мәдени қатынастарды нығайтуға және дамытуға қосқан айрықша үлесі үшін ҚХР Төрағасы Си Цзиньпинді «Алтын Қыран» орденімен марапаттады.
