Елімізде жыл сайын 7 мамыр күні Отан қорғаушылар күні ретінде аталып өтіледі. Бұл елін, жерін, мемлекеттігін қорғайтын азаматтарға деген зор құрметтің белгісі. Отан алдындағы борыш пен ерлікті, отансүйгіштік пен жауапкершілікті дәріптейтін бұл күн әскери қызметшілер мен барша азаматтар үшін ерекше маңызға ие. Осы күнді атап өту арқылы Қазақстан халқы өз елінің тәуелсіздігі мен қауіпсіздігі үшін күрескен батырлар мен қазіргі уақытта да Отан қорғау қызметін атқарып жүрген әскери қызметшілерге алғыс білдіреді. Бұл күні Жамбыл облысы бойынша ҚАЖ департаментіне қарасты №59 мекемесінің басшысы әділет полковнигі Руслан Уразметов бастаған жеке құраммен бірге Жамбыл облысының Жуалы ауылында,
Ұлы Жеңістің 80 жылдығы қарсаңында және Кеңес Одағының Батыры Бауыржан Момышұлының туғанына 115 жыл толуына орай, батырдың туған жерінде
ескерткіш тақтаға гүл шоқтарын қойып,ант қабылдап қайтты. Сонымен қатар, мекеме қызметкерлеріне бұл күні концерттік бағдарлама ұйымдастырылып,қызметте үздік шыққан мамандар алғыс хаттармен және марапаттармен марапатталды. Бұл шаралар Отан қорғаушылар күніне орай ұйымдастырылған патриоттық тәрбиенің жарқын үлгісі болды.
Жамбыл облысы бойынша ҚАЖ департаментінің №59 мекемесі ұжымы елге адал қызмет етудің, тарихи тұлғаларды ұлықтап, олардың ерлігін құрметтеудің маңызды екенін тағы бір мәрте дәлелдеді. Мұндай іс-шаралар жас буынға үлгі болып, елге, жерге деген сүйіспеншілікті арттырады.
