Орал қалалық кітапханалар жүйесіне қарасты №6, №16 кітапхана филиалдары мен облыстық пробация қызметі бірлесе «Толағай» көңілді отбасылық сайысын өткізді.
Аталған жарысқа көпбалалы Аушеттер, Шайдуллиналар, Амировтар жанұялары қатысты. Әдеттегідей сергіту сәтімен басталған спорттық іс-шара барасында үміткерлер «Тез жеткіз», «Баланы тасымалдау», «Қаппен секіру», «Кедергілерді бағындыр», «Скакалкамен секіру» секілді ойын кезеңдерінде бақтарын сынады.
Сайыс табиғат аясында, таза ауада өте көңілді, қызықты өтті. Шара соңында қатысқан әр отбасыға сыйлықтар табысталды. №6 кітапхана филиалының кітапханашысы Баян Жолтаеваның айтуынша, өз кезегінде жарысқа қатысушылар осындай шаралар жиі өткізіліп тұрса деген тілектерін білдірген.
