Қарулы қақтығыс салдарынан
Украина экономикасы құлдырап бара-
ды. Биыл бұл елдің жалпы ішкі өнімі 40
пайызға азаюы мүмкін. Жуырда Украина-
ның экономика министрлігі осындай болжам
жасады. Ағымдағы жылдың алғашқы тоқса-
нында ғана жалпы ішкі өнім 16%-ға қысқара-
ды екен. Ең көп әуе саласы, теңіз тасымалы мен
қызмет көрсету салалары зардап шегіп жатқаны айтылды. Сонымен қатар ауылшаруашылығы саласы да айтарлықтай шығынға ұшырап жатыр. Себебі Украина әлем бойынша бидай мен жүгеріні
ең көп экспорттайтын елдер қатарында. Еуропалық қайта құру банкінің хабарлауынша, әскери іс-қимыл кесірінен елдегі кәсіпорындардың үштен бірі жұмысын тоқтатқан. Ел билігінің есебінше, бүгінге дейін келтірілген шығын 1 триллион доллардан асады.
