Мемлекет басшысы Қасым-Жомарт Тоқаевтың тапсырмасы бойынша, пайдаланылмай жатқан және жеке меншікке заңсыз берілген ауыл шаруашылығы жерлерін мемлекет меншігіне қайтару жұмыстары жүріп жатқанын білесіздер.
Жалпы, үш айдың ішінде «AMANAT» партиясының араласуымен еліміздің 10 өңірінде 1,6 млн гектардан астам жер қайтарылды. Оның ішінде Қарағанды облысында 1 млн гектар жайылым мемлекет меншігіне өтті.
Мал бағып отырған ауыл тұрғындары үшін жайылымдық жердің қаншалықты маңызды екенін білеміз. Жайылым ауылдың барша тұрғыны үшін қолжетімді болуы керек. Сондықтан да біз бұл істі тоқтатпайтынымызды баса айтқым келеді. Осы бағыттағы жұмысты тұрақты түрде жалғастырамыз.
